పవర్ స్టార్ పవన్ కళ్యాణ్ లాంగ్ గ్యాప్ తరువాత తెరకెక్కిన చిత్రం ‘వకీల్ సాబ్’. బాలీవుడ్‌ హిట్ ‘పింక్‌’ రీమేక్‌గా ఈ చిత్రాన్ని తెరకెక్కించారు. వేణు శ్రీరామ్‌ దర్శకత్వం వహించగా.. బోనీకపూర్‌ సమర్పణలో దిల్‌రాజు నిర్మించారు. అంజలి, నివేదా థామస్‌, అనన్య కీలక పాత్రలు పోషించారు. ఇందులో పవన్‌ న్యాయవాదిగా కనిపించనున్నారు. కాగా, తాజాగా 'వకీల్​సాబ్'​ సెన్సార్​ పూర్తి చేసుకుని, యూ/ఏ సర్టిఫికెట్​ సొంతం చేసుకుంది. ఇప్పటికే రిలీజైన పాటలు, టీజర్, ట్రైలర్ సినిమా పైన భారీ అంచనాలను క్రియేట్ చేశాయి.సెన్సార్ టాక్ అయితే వకీల్ సాబ్‌కు చాలా బాగా వచ్చిందని ఇండస్ట్రీ వర్గాల నుంచి వస్తున్న సమాచారం. ‘పింక్’ సినిమాలో దాదాపుగా ఫైట్స్ ఉండవు కానీ ‘వకీల్ సాబ్’లో మొత్తం 5 యాక్షన్ సీక్వెన్సులు ఉండబోతున్నట్లు సెన్సార్ వర్గాల నుంచి వస్తున్న సమాచారం. మరి వకీల్ సాబ్ లో జరిగిన మార్పులు తెలియాలంటే ఏప్రిల్​ 9 వరకు ఆగాల్సిందే!