దుబాయ్: 2, 3, 4 అలాగే 5 సంఖ్యల ఫ్యాన్సీ నెంబర్ ప్లేట్ల వేలం ప్రక్రియ దుబాయ్ ఫెస్టివల్ సిటీ ఇంటర్నేషనల్ హోటల్ వద్ద ఏప్రిల్ 10న సాయంత్రం 4.30 నిమిషాలకు జరుగుతుంది. ఔత్సాహికులైన బిడ్డర్స్ దుబాయ్ డ్రైవ్ యాప్ లేదా కస్టమర్ సర్వీస్ సెంటర్ల ద్వారా రిజిస్టర్ చేసుకోవచ్చు. సీట్స్ లిమిటెడ్ కావడంతో ముందు వచ్చినవారికి ముందు అవకాశం దక్కతుంది. మధ్యాహ్నం 2 గంటల నుంచి బిడ్డింగ్ హాల్ వద్ద కూడా రిజిస్ట్రేషన్ అందుబాటులో వుంటుంది. నెంబర్ ప్లేట్ల అమ్మకం 5 శాతం వ్యాట్ అనుగుణంగా వుంటుంది. బిడ్డర్ ఖచ్చితంగా దుబాయ్ ట్రాఫిక్ ఫైల్ కలిగి వుండాలి. 25,000 దిర్హాముల సెక్యూరిటీ డిపాజిట్ చెల్లించడం తప్పనిసరి. 120 దిర్హాముల నాన్ రిఫండబుల్ మొత్తాన్ని కూడా బిడ్డర్స్ చెల్లించాల్సి వుంటుంది.