యూఏఈ: ప్రార్థ‌న‌ల కోసం రోడ్డు ప‌క్క‌గా వాహ‌నాల‌ను పార్క్ చేస్తే జ‌రిమానా ఎదుర్కొవాల్సి వ‌స్తుందని అబుదాబి అధికారులు హెచ్చ‌రించారు. త‌మ అధికారిక సోష‌ల్ మీడియా ఖ‌తాల్లో దీనికి సంబంధించి హెచ్చ‌రిక‌లు జారీ చేసింది. గ‌త శుక్ర‌వారం కొద్ది మంది ట్ర‌క్‌, బ‌స్సు డ్రైవ‌ర్లు రోడ్డు ప‌క్క‌నే వాహ‌నాల‌ను నిలిపి ప్రార్థ‌న‌లు చేసిన‌ట్లు వివ‌రించింది. అలా రోడ్డు ప‌క్క‌నే వాహ‌నాల‌ను నిలిపివేయ‌టం ప్రమాదాల‌కు దారితీస్తుంద‌ని, తోటి వాహ‌న‌దారుల‌కు ప్రాణాల‌కు ముప్పు క‌ల‌గ‌జేసిన‌వారు అవుతార‌ని ఆందోళ‌న వ్య‌క్తం చేసిన అధికారులు..ఇక నుంచి వాహ‌నాల‌ను రోడ్డుపక్క‌గా పార్క్ చేస్తే జ‌రిమానాలు ఎదుర్కొవాల్సి వ‌స్తుంద‌ని వెల్ల‌డించారు. ‌