సౌదీ: సౌదీలోని వాహ‌న‌దారులు ఇక నుంచి డ్రైవింగ్ లైసెన్స్ హార్డ్ కాపీల‌ను వెంట తీసుకురావాల్సిన అవ‌స‌రం లేదు. ఇక నుంచి డిజిట‌ల్‌వ‌ర్ష‌న్ లో ఈ- డ్రైవింగ్ లైసెన్స్ సేవ‌ల‌తో ప్ర‌యోజ‌నం పొంద‌వ‌చ్చు. ఇందుకోసం అబ్ష‌ర్ ఇండివిజువ‌ల్స్‌, త‌వ‌క‌ల్న అనే రెండు యాప్ ల‌ను అందుబాటులోకి తీసుకొచ్చారు. ఈ రెండు యాప్  ల ద్వారా ఈ-డ్రైవింగ్ లైసెన్స్ ను అధికారుల‌కు చూపించ‌వ‌చ్చు. ఈ యాప్ ల‌లో క్యూఆర్ కోడ్ ఉంటుంది. క్యూఆర్ కోడ్ ను స్మార్ట్ ఫోన్ల ద్వారా స్కాన్ చేయ‌గానే డ్రైవింగ్ లైసెన్స్ వ‌స్తుంది. ఇదిలాఉంటే..సౌదీ డేటా అండ్ ఆర్టిఫిషియల్ ఇంటెలిజెన్స్ అథారిటీ (ఎస్‌డిఎఐఎ) సహకారంతో అభివృద్ధి చేసిన డ్రైవింగ్ లైసెన్స్ యొక్క డిజిటల్ వెర్షన్‌ను భద్రతా అధికారులు ఆమోదించారని ట్రాఫిక్ విభాగం ప్రతినిధి సౌదీ ప్రెస్ ఏజెన్సీ (ఎస్‌పిఎ) కు ఒక ప్రకటనలో తెలిపారు.