దుబాయ్: త‌మ య‌జ‌మాని నుంచి చెప్పాపెట్ట‌కుండ పారిపోయిన 17 మంది డొమ‌స్టిక్ కార్మికుల‌ను దుబాయ్ పోలీసులు అరెస్ట్ చేశారు.ర‌మ‌దాన్ మాసంలో నిర్వ‌హించిన త‌నిఖీల్లో తొలి వారంలోనే ఈ 17 మంది ప‌ట్టుడిన‌ట్లు దుబాయ్ చొర‌బాటు నిరోధ‌క విభాగం పోలీసులు వెల్ల‌డించారు.త‌మ త‌నిఖీలు ఏడాది పొడ‌గునా ఉంటాయ‌ని హెచ్చ‌రించారు.ఎవ‌రైనా డొమ‌స్టిక్ కార్మికులు ఒప్పందాన్ని ఉల్లంఘిస్తూ పారిపోతే స‌ద‌రు య‌జ‌మాని వెంట‌నే త‌మ‌కు ఫిర్యాదు చేయాల‌ని పోలీసులు సూచించారు.ఒప్పందం కుద‌ర్చుకున్న య‌జ‌మాని ద‌గ్గ‌ర ప‌ని చేయ‌కుండా పారిపోతున్న డొమ‌స్టిక్ కార్మికులతో స‌మాజానికి భ‌ద్రాత‌ప‌ర‌మైన చిక్కులు ఏర్ప‌డే స‌మ‌స్య‌లు ఉన్నాయ‌ని వారు వివ‌రించారు.అస‌లు య‌జ‌మానికి ద‌గ్గ‌ర్నుంచి పారిపోయే కార్మికులు  త‌క్కువ స‌మ‌యంలో ఎక్కువ మొత్తంలో డ‌బ్బు సంపాదించేందుకు వేరే పేరుతో గంట‌ల లెక్క‌న మ‌రో ఇంట్లో ప‌నికి కుదిరుతున్నార‌ని పోలీసులు వివ‌రించారు.