దుబాయ్: దుబాయ్ ఇంట‌ర్నేష‌న్ ఎయిర్‌పోర్ట్ నుంచి ప్ర‌యాణించే ప్ర‌యాణికులకు చెక్ ఇన్ మ‌రింత సుల‌భం కానుంది. కోవిడ్ నేప‌థ్యంలో పీసీఆర్ టెస్ట్ రిపోర్టులు, వ్యాక్సినేష‌న్ స‌ర్టిఫికెట్లు ఇక వెంట తీసుకువెళ్లాల్సిన అవ‌స‌రం ఉండ‌దు. ఈ మేర‌కు ఎమిరేట్స్ ఎయిర్‌లైన్స్‌, దుబాయ్ ఆరోగ్య శాఖ మ‌ధ్య ఓ ఒప్పందం కుదుర్చుకున్నాయి. ఈ ఒప్పందం మేర‌కు దుబాయ్ ప‌రిధిలో పీసీఆర్ టెస్ట్ రిపోర్టులు, వ్యాక్సినేష‌న్ వివ‌రాల డేటాను ఎమిరేట్స్ తో పంచుకోనుంది. అంటే ఎమిరేట్స్ ఎయిర్ లైన్స్ లో టికెట్ బుక్ చేసుకునే వ్య‌క్తి దుబాయ్ లో పీసీఆర్ టెస్ట్ చేయించుకుంటే అత‌ను ప్ర‌యాణ స‌మ‌యంలో పీసీఆర్ రిపోర్ట్ వెంట తీసుకువెళ్లాల్సిన అవ‌స‌రం ఉండ‌దు. అలాగే కోవిడ్ వ్యాక్సినేష‌న్ స‌ర్టిఫికెట్ ను కూడా తీసుకెళ్లాల్సిన అవ‌స‌రం ఉండ‌దు. డిజిట‌ల్ వెరిఫికేష‌న్ తోనే ప్ర‌యాణికుల కోవిడ్ రికార్డ్ ను ప‌రిశీలించి చెక్ ఇన్ ప్ర‌క్రియ‌ను పూర్తి చేస్తారు.