రియాద్: రమదాన్ తొలి పదిహేను రోజుల్లో వాలంటీర్లు 115,000 ఇఫ్తార్ మీల్స్ మక్కాలో పంపిణీ చేశారు. వలస విద్యార్థులు, హెల్త్ సెక్టార్‌లోని వర్కర్లకు ఈ మీల్స్ పంపిణీ చేశారు. అసోసియేషన్ డైరెక్టర్ అహ్మద్ అల్ మత్రాఫి మాట్లాడుతూ, వాలంటీర్లు అలాగే రెసిడెంట్స్ ప్రతిరోజూ సుమారు 10 వేలకు పైగా ఇప్తార్ మీల్స్ పంపిణీ చేస్తున్నట్లు తెలిపారు. 47 వాహనాల్లో వార్మింగ్ ఒవెన్స్ అలాగే రిఫ్రిజిరేటర్స్ ఏర్పాటు చేసి, ఆహార పదార్థాలు, డేట్స్, మంచినీళ్ళు వంటివాటిని పంపిణీ చేస్తున్నారు. తమ కుటుంబాలకు దూరంగా వుంటున్న వలసదారులకు ఈ ఛారిటీ ఆహార పదార్థాలు ఎంతగానో ఉపయోగపడుతున్నాయి.