ఒమన్ డైరెక్టరేట్ జనరల్ ఆఫ్ హెల్త్ సర్వీసెస్ (డిజిహెచ్ఎస్), కోవిడ్ 19 వ్యాప్తిని అరికట్టేందుకు సరికొత్త నిబంధనల్ని తెరపైకి తెచ్చింది. దోఫార్ గవర్నరేట్ పరిధిలో పెరుగుతున్నకరోనా వ్యాప్తి నేపథ్యంలో అథారిటీస్ ఈ నిబంధనల్ని అమలు చేయనున్నారు. సలాలా లోని హెల్త్ సెంటర్స్, అల్ దహిరాజ్ హెల్త్ సెంటర్, న్యూ సలాలా హెల్త్ సెంటర్, హిజాఫ్ హెల్త్ సెంటర్, సుల్తాన్ కబూస్ హాస్పిటల్ సలాలా సిబ్బందికి సహకరించాల్సి వుంటుంది. అత్యవసరం కాని అన్ని శస్త్ర చికిత్సల్నీ వాయిదా వేయాలి. స్పెషలైజ్డ్ క్లినిక్స్ విషయంలో 30 శాతానికి పని భారం తగ్గించాలి. మెడికల్ ఫిట్నెస్ ఎగ్జామినేషన్ సెంటర్ సిబ్బందిని, కరోనా నేపథ్యంలో సహాయకులుగా నియమించాలి. మెడికల్ సిబ్బందిపై ఒత్తిడి తగ్గించడానికి ఈ చర్యలు ఉపయోగపడతాయి.