కువైట్ సిటీ: మినిస్ట్రీ ఆఫ్ హెల్త్, డిజిటల్ వ్యాక్సినేషన్ సర్టిఫికెట్ ప్రక్రియును ఇమ్యూన్ యాప్ ద్వారా జారీ చేయనుంది. డైరెక్టర్ ఆఫ్ ఇన్ఫర్మేషన్ సిస్టమ్స్ డిపార్టుమెంట్ - సెంటర్ ఫర్ టెక్నలాజికల్ అడ్వాన్సుమెంట్ - మినిస్ట్రీ ఆఫ్ హెల్త్ ఇంజనీర్ అహ్మద్ అల్ ఘరిబ్ ఈ విషయాన్ని వెల్లడించారు. మూడు కేటగిరీల్లో సర్టిఫికెట్ జారీ చేస్తారు.

మొదటి కేటగిరీ: ఓ వ్యక్తి, రెండు డోసుల వ్యాక్సినేషన్ పూర్తి చేసుకుని వుండాలి.

రెండో కేటగిరీ: ఓ వ్యక్తి కరోనా బారిన పడి, 3 నుంచి 6 నెలల్లోపు మొదటి డోస్ వ్యాక్సిన్ పొందాలి.

మూడో కేటగిరీ: ఓ వ్యక్తి మొదటి డోస్ తీసుకుని, ఐదు వారాలు పూర్తి చేసుకోవాలి. అయితే, రెండో డోస్ పూర్తి చేసుకున్నాకే పూర్తి ఇమ్యూనిటీ లభించినట్లు. వ్యాక్సినేషన్ బ్యాచ్ నెంబర్ సహా అనేక వివరాలతో, ట్యాంపరింగ్ అవకాశమే లేకుండా ఈ సర్టిఫికెట్ రూపొందిస్తున్నారు.

అవసరమైనప్పుడు ఈ వ్యాక్సినేషన్ సర్టిఫికెట్, అథారిటీస్ ముందు చూపాలి.

--దివాకర్(మాగల్ఫ్ ప్రతినిధి,కువైట్)