బహ్రెయిన్: భారతదేశంలో కరోనా కేసుల తీవ్రత నేపథ్యంలో పలు దేశాలు ఇండియా నుంచి వచ్చే విమానాలపై నిషేధం విధించాలి. మరికొన్ని దేశాలు ట్రావెల్ అడ్వయిజరీ జారీ చేశాయి. అయితే, బహ్రెయిన్ ఇంతవరకు ఇండియాకి సంబంధించి ఎలాంటి విమానాల రద్దుని ప్రకటించలేదు. అయితే, పలువురు ప్రయాణీకులు మాత్రం ఈ విషయమై ఆందోళన చెందుతున్నారు. ఎయిర్ ఇండియా బుకింగ్ వేదిక ప్రకారం, జూన్ నుంచి సౌత్ ఇండియాకి పలు విమానాలు అందుబాటులో లేవని తెలుస్తోంది. కోచి, బెంగళూరు, తిరువనంతపురం వంటి నగరాలకు లిమిటెడ్ విమానాలు మాత్రమే జూన్ నుంచి అందుబాటులో వున్నాయి.