పవర్‌స్టార్‌ పవన్‌కల్యాణ్‌ కథానాయకుడిగా నటిస్తున్న చిత్రం 'సర్దార్‌ గబ్బర్‌సింగ్‌'. ఈ చిత్రంలోని ఓ పాట కోసం సంగీత దర్శకుడు దేవిశ్రీ ప్రసాద్‌, గాయని శ్రేయా ఘోషల్‌లు కలిసి గొంతు సవరించారు. దేవిశ్రీ సోషల్‌మీడియా ద్వారా ఈ విషయాన్ని తెలుపుతూ... పాట రికార్డింగ్‌ సమయంలో శ్రేయా ఘోషల్‌తో దిగిన ఫొటోలను అభిమానులతో పంచుకున్నారు. రికార్డింగ్‌ బాగా జరిగిందని, శ్రేయా చక్కగా పాడారని తెలిపారు. పాట వినడానికి మీరంతా ఎదురుచూస్తున్నారా? అంటూ అభిమానుల్ని సరదాగా ప్రశ్నించారు. ఈ చిత్రానికి కె.ఎస్‌.రవీంద్ర(బాబీ) దర్శకత్వం వహిస్తున్నారు.పవన్‌ కల్యాణ్‌తో జంటగా కాజల్‌ నటిస్తున్నారు. వేసవిలో 'సర్దార్‌ గబ్బర్‌సింగ్‌' చిత్రాన్ని ప్రేక్షకుల ముందుకు తీసుకురావడానికి సన్నాహలు జరుగుతున్నాయి.