యూఏఈ: కోవిడ్ నుంచి వీలైనంత తొందరగా బయటపడి మళ్లీ సాధారణ పరిస్థితులను చేరుకోవటమే లక్ష్యంగా యూఏఈ ప్రారంభించిన జాతీయ వ్యాక్సినేషన్ ప్రోగ్రాం..లక్ష్యం దిశగా దూసుకెళ్తోంది. ఇప్పటి వరకు దేశవ్యాప్తంగా అర్హత కలిగిన వారిలో 78.11% మంది వ్యాక్సిన్ పొందినట్లు యూఏఈ స్పష్టం చేసింది. వ్యాక్సిన్ తీసుకున్నవాళ్లంతా 16 ఏళ్లు అంతకుమించిన వయసున్న వాళ్లని వెల్లడించింది. వ్యాక్సినేషన్ పై ప్రతి వారం నిర్వహించే సమీక్షలో భాగంగా ఈ వివరాలను ప్రకటించింది. ఇక వ్యాక్సినేషన్ తొలి నుంచి 60 ఏళ్లు అంతకుమించిన వయసువారికి అధిక ప్రాధాన్యం ఇస్తున్న విషయం తెలిసిందే. నిర్దేశిత టార్గెట్ గ్రూప్ లో 84.59% మందికి ఇప్పటికే వ్యాక్సిన్ అందించినట్లు యూఏఈ స్పష్టం చేసింది.