అజ్మన్: అజ్మన్ క్రౌన్ ప్రిన్స్ అలాగే అజమ్మన్ ఎగ్జిక్యూటివ్ కౌన్సిల్ ఛైర్మన్ షేక్ అమ్మార్ బిన్ హుమైద్ అల్ నుయైమి ఆదేశాల మేరకు మునిసిపాలిటీ అండ్ ప్లానింగ్ డిపార్టుమెంట్ (అజ్మన్), కంపెనీలు, సంస్థలు, వ్యక్తులకు జరిమానాలపై 50 శాతం డిస్కౌంట్ ఇవ్వనున్నారు. 2008, జనవరి 1 నుంచి 2021 మే 16 మధ్య కాలంలో జారీ చేయబడిన జరీమానాలకు ఈ డిస్కౌంట్ వర్తిస్తుంది. డిపార్టుమెంట్ ఛైర్మన్ షేక్ రషీద్ బిన్ హుమైత్ అల్ నౌమి మాట్లాడుతూ, పెట్టుబడిదారులకు ప్రోత్సాహమిచ్చే వాతావరణాన్ని మరింత మెరుగు పరిచేందుకు కరోనా నేపథ్యంలో అన్ని అవకాశాల్నీ పరిశీలించి, మేలైన నిర్ణయాలు తీసుకుంటున్నట్లు చెప్పారు. స్థానిక వ్యాపారాలకు మద్దతునివ్వడం సహా అనేక కార్యక్రమాలు చేపడుతున్నామని అన్నారు.