పారిస్‌: ఫ్రెంచ్‌ ఓపెన్‌ గ్రాండ్‌స్లామ్‌ మహిళల సింగిల్స్‌ టైటిల్‌ను ఛెక్‌రిపబ్లిక్‌కు చెందిన అన్‌సీడెడ్‌ 25 ఏళ్ల బార్బోరా క్రేజికోవా గెల్చుకుంది. శనివారం జరిగిన ఫైనల్లో క్రేజికోవా 6-1, 2-6, 6-4తో 31వ సీడ్‌ రష్యాకు చెందిన అనస్తాషియా పావ్యుచెంకోవాను చిత్తుచేసింది. క్రేజీకోవా ఫ్రెంచ్‌ ఓపెన్‌లో అన్‌సీడెడ్‌గా బరిలోకి దిగి టైటిల్‌ను దక్కించుకోవడం విశేషం. తొలిసెట్‌ను సునాయాసంగా గెల్చిన క్రేజికోవా.. రెండోసెట్‌ను ప్రత్యర్ధికి సమర్పించుకొంది. నిర్ణయాత్మక మూడోసెట్‌లో ఇరువురు హోరాహోరీగా తలపడిన తొలుతే బ్రేక్‌ పాయింట్‌ సాధించి మ్యాచ్‌ను ముగించడం విశేషం.

క్రేజికోవా టైటిల్‌ నెగ్గిందిలా.. తొలిరౌండ్‌ : ప్లిస్కోవా 5-7, 6-4, 6-2
రెండోరౌండ్‌ : అలెగ్జాండ్రోవా 6-2, 6-3
మూడోరౌండ్‌ : స్విటోలినా 6-3, 6-2
నాల్గోరౌండ్‌ : స్టెఫెన్స్‌ 6-2, 6-0
క్వార్టర్స్‌ : కోకా గాఫ్‌ 7-6(8-6), 6-3,
సెమీస్‌ : సక్కారి 7-5, 4-6, 9-7
ఫైనల్‌ : పావ్యుచెంకోవా 6-1, 2-6, 6-4