ఓ మహిళ, పబ్లిక్‌ స్కూల్‌కి చెందిన ఇద్దరు ఫిమేల్‌ గార్డ్స్‌ని కత్తితో గాయపర్చింది. స్కూల్‌లోకి అక్రమంగా ప్రవేశించేందుకు ఆ మహిళ ప్రయత్నించగా, గార్డ్స్‌ ఆమెను అడ్డుకున్నారు. ఈ క్రమంలో ఇద్దరు మహిళా గార్డ్స్‌కి గాయాలయ్యాయని మినిస్ట్రీ వెల్లడించింది. దాడికి యత్నించిన మహిళ పేరెంట్‌ కాదనీ, అలాగే స్కూల్‌ స్టాఫ్‌ కూడా కాదని ఎడ్యుకేషన్‌ మినిస్ట్రీ స్పష్టం చేసింది. తనతోపాటు ఓ కత్తిని తెచ్చుకోవడం ద్వారా ఆ మహిళ దాడికి ముందుగానే వ్యూహరచన చేసినట్లు అర్థమవుతుందని ప్రకటనలో పేర్కొంది ఎడ్యుకేషన్‌ మినిస్ట్రీ. దాడికి యత్నించిన మహిళ నుంచి కత్తిని లాక్కునేందుకు ప్రయత్నించడంతో సిబ్బందికి గాయాలయ్యాయి. గాయాలపాలైనవారిని ఆసుపత్రికి తరలించి, దాడికి యత్నించిన మహిళను అదుపులోకి తీసుకున్నారు.