సౌదీ: సౌదీ అరేబియాలో కొత్తగా నమోదవుతున్న కోవిడ్ కేసుల సంఖ్య మళ్లీ పెరుగుతోంది. మంగళవారం ఒక్క రోజే కింగ్డమ్ వ్యాప్తంగా 1,479 కోవిడ్ 19 కేసులు నమోదైనట్లు ఆరోగ్య మంత్రిత్వ శాఖ వెల్లడించింది. దీంతో మొత్తం కోవిడ్ కేసుల సంఖ్య 476,882 కు చేరుకుంది. ప్రస్తుతం దేశవ్యాప్తంగా 11,131 యాక్టీవ్ కేసులు ఉండగా..వారిలో 1,487 మంది పరిస్థితి క్రిటికల్ గా ఉన్నట్లు తెలిపింది. ఇదిలాఉంటే కోవిడ్ బారిన పడి మంగళవారం మరో 12 మంది మృతి చెందారు. దీంతో  మొత్తం కోవిడ్ మృతుల సంఖ్య 7,703కి పెరిగింది. ఇక మంగళవారం 920 మంది కోవిడ్ నుంచి కోలుకున్నారు. దీంతో రికవరీ పేషెంట్ల సంఖ్య 4,58,048 కు పెరిగింది.