అబుధాబి: కోవిడ్ బారి నుంచి ప్రజలను రక్షించుకునేందుకు వీలైనంత ఎక్కువ మందికి వ్యాక్సిన్ అందించాలని లక్ష్యంగా నిర్దేశించుకున్నట్లు ఆరోగ్య, నివారణ మంత్రిత్వ శాఖ మరోసారి వెల్లడించింది. ఇందులో భాగంగా వ్యాక్సినేషన్ ప్రోగ్రాంను మరింత ముమ్మరం చేసినట్లు వెల్లడించింది. గడిచిన 24 గంటల్లో 1,05,676 డోసులు అందించినట్లు వివరించింది. దీంతో ఇప్పటివరకు 1,49,40,031 వ్యాక్సిన్ డోసుల పంపిణీ జరిగినట్లు తెలిపింది. అంటే ప్రతి 100 మందికి 150.06 సగటుతో డోసుల పంపిణి జరిపినట్లు పేర్కొంది.