యూఏఈ: యూఏఈలో కోవిడ్ విస్తృతికి కోవిడ్ వేరియంట్లే కారణమని డాక్టర్లు చెబుతున్నారు. స్వరూపం మార్చుకున్న కోవిడ్ వైరస్ ప్రస్తుతం డెల్టా, బెటా, గామా రూపంలో శరవేగంగా వ్యాప్తి చెందుతున్న విషయం తెలిసిందే. అయితే..యూఏఈలో నమోదవుతున్న కోవిడ్ కేసులకు బెటా వేరియంట్ ప్రధాన కారణమంటున్నారు. వైరస్ జన్యు పరిశోధనల అనంతరం ఈ విషయాన్ని వెల్లడించారు. ప్రస్తుతం యూఏఈలో నమోదవుతున్న కోవిడ్ కేసుల్లో 39.2 శాతం మంది బెటా వేరియంట్ బారిన పడినట్లు చెబుతున్నారు. 33.9 మంది డెల్టా, 11.3 శాతం మందికి అల్ఫా వేరియంట్ల బారిన పడినట్లు వివరించారు. యూఏఈలో కేసుల తీవ్రత కొనసాగడానికి ఈ మూడు వేరియంట్లే కారణం అవుతున్నాయని అన్నారు.