దుబాయ్: దుబాయ్ సమ్మర్ స్పెషల్.. అదే 12 గంటల పాటు జరిగే సూపర్ సేల్ అందుబాటులోకి వచ్చింది. జులై 1న ఈ సేల్ వుంటుంది. 25 శాతం నుంచి 90 శాతం వరకు డిస్కౌంట్లు 100కి పైగా బ్రాండ్లపై లభిస్తాయి. ఉదయం 10 గంటల నుంచి రాత్రి 10 గంటల వరకు సేల్ కొనసాగుతుంది. మాజిద్ అల్ ఫుత్తైమ్ మాల్స్ వద్ద మాత్రమే ఈ సేల్ వుంటుంది. మాల్ ఆఫ్ ది ఎమిరేట్స్, సిటీ సెంటర్ మిర్దిఫ్, సిటీ సెంటర్ డేరా, సిటీ సెంటర్ మైసెమ్, మై సిటీ సెంటర్ అల్ బర్షా మరియు సిటీ సెంటర్ అల్ షినందగా మాల్స్ ఈ సేల్ కోసం వేదికలుగా మారుతున్నాయి. లైవ్ ఎంటర్టైన్మెంట్ ఈ సేల్ సందర్భంగా ప్రధాన ఆకర్షణ కానుంది. 300 దిర్హాములు ఖర్చు చేసే వినియోగదారులకు లక్కీ డ్రాలో పాల్గొనే అవకావం కలుగుతుంది. 1 మిలియన్ మాజిద్ అల్ ఫుత్తైమ్ షేర్ రివార్డ్ పాయింట్స్ లభిస్తాయి గెలిచివారికి. షేర్ యాప్ ద్వారా వినియోగదారులు తమ రసీదుల్ని స్కాన్ చేసుకుని, డ్రాలో పాల్గొనవచ్చు. జులై 4న విజేతను ప్రకటిస్తారు.