కువైట్: కోవిడ్ నేపథ్యంలో వర్క్ ఫ్రమ్ హోమ్ కు అనుమతించిన కువైట్ ప్రభుత్వం..ఆగస్ట్ 1 నుంచి ఈ సౌలభ్యాన్ని తొలగిస్తున్నట్లు ప్రకటించింది. వర్క్ ఫ్రమ్ ను ఎత్తివేస్తున్నట్లు మానవ వనరుల శాఖలోని డైరెక్టర్ జనరల్ కార్యాలయం సర్క్యూలర్ జారీ చేసింది. ఆగస్ట్ 1 నుంచి అన్ని ప్రభుత్వ విభాగాల్లోని ఉద్యోగులు యధావిధిగా విధులకు హజరు కావాల్సిందేనని ఆదేశించింది. ఉదయం 7.30 నుంచి మధ్యాహ్నం 2.30 వరకు వ్యక్తిగతంగా విధులు నిర్వహించాలని పేర్కొంది. అయితే..గర్భిణీలు, దీర్ఘకాలిక వ్యాధులతో బాధపడుతున్న వారికి మాత్రం సాధారణ నిబంధనలు వర్తిస్తాయని క్లారిటీ ఇచ్చింది. కువైట్ లో సాధారణ పరిస్థితులు నెలకొల్పేందుకు ఈ చర్యలు చేపట్టినట్లు మానవ వనరుల శాఖ వెల్లడించింది.