మస్కట్: అల్ బురైమి గవర్నరేట్‌లోని వాడి అల్-హవాసినా ఆసుపత్రి నుండి ఇద్దరు పౌరులను అత్యవసరంగా ఎయిర్ లిఫ్ట్ చేశారు. వారిని  రుస్తాఖ్ రెఫరెన్స్ ఆసుపత్రికి తరలించి ఒక అత్యవసర ఆపరేషన్‌ను నిర్వహించినట్లు రాయల్ ఒమన్ పోలీస్ (ఆర్‌ఓపి) ఎయిర్ వింగ్ తెలిపింది.

రోడ్డు ప్రమాదంలో గాయపడిన ఆ పౌరులను తక్షణ వైద్య సంరక్షణ కోసం విమానంలో తరలించారు. ఈ ఆపరేషన్ విజయవంతంగా పూర్తయిందని, ఇద్దరూ ఇప్పుడు చికిత్స పొందుతున్నారని తెలిపింది.

అల్ దఖిలియా గవర్నరేట్‌లో ఇద్దరు రెస్క్యూ

అల్ దఖిలియా గవర్నరేట్‌లోని యాంకుల్ విలాయత్‌లో ఒక వాగులో తమ వాహనంలో చిక్కుకున్న ఇద్దరు వ్యక్తులను సివిల్ డిఫెన్స్ మరియు అంబులెన్స్ అథారిటీకి చెందిన రెస్క్యూ బృందాలు విజయవంతంగా రక్షించాయి.

మస్కట్ గవర్నరేట్‌లో..

మస్కట్ గవర్నరేట్‌లోని ముత్త్రా విలాయత్‌లో ఒక వాగులో వాహనంలో చిక్కుకున్న వ్యక్తికి పౌర రక్షణ మరియు అంబులెన్స్ అథారిటీకి చెందిన సహాయక బృందాలు విజయవంతంగా రక్షించారు. అతను క్షేమంగా ఉన్నట్లు తెలిపారు.  ప్రతిఒక్కరూ అధికారులు జారీ చేసిన సూచనలు మరియు మార్గదర్శకాలను పాటించాలని సూచించారు. వారి భద్రత కోసం లోయలు మరియు నీటి ప్రవాహాలకు దూరంగా ఉండాలని ఒమన్ పోలీసులు విజ్ఞప్తి చేశారు.