కువైట్: కువైట్ అవినీతి నిరోధక శాఖ- నాజాహా కువైట్ మున్సిపాలిటీ ఉద్యోగులను న్యాయ విచారణకు తరలించాలని సిఫార్సు చేసింది. అధికార పత్రాలను ఫోర్జరీ చేసినందుకు మున్సిపాలిటి సూపర్ వైజర్ తో పాటు ఇతర సిబ్బందిపై చట్టంలోని 2016, నెం.2 మేరకు  విచారణ జరపాల్సిందిగా కోరింది. అయితే..ఫోర్జరీ డాక్యుమెంట్ల ప్రత్యేకతతో పాటు ఫిర్యాదుదారుల వివరాలను వెల్లడించలేదు. ఇదిలాఉంటే..ప్రభుత్వ శాఖల్లో అవినీతిని అరికట్టేందుకు తాము చిత్తశుద్ధితో ఉన్నామని నాజాహా వెల్లడించింది. అధికారులు, ప్రభుత్వ సిబ్బంది అవినీతిపై ఫిర్యాదు చేసే వారి వివరాలను తాము గోప్యంగా ఉంచుతామని భరోసా ఇచ్చింది.