రియాద్: 1.7 కిలోల కొకైన్ స్మగ్లింగ్ గుట్టు రట్టయ్యింది. రియాద్‌లోని కింగ్ ఖాలిద్ అంతర్జాతీయ విమానాశ్రయంలో ఈ స్మగ్లింగ్ యత్నాన్ని భగ్నం చేశారు కస్టమ్స్ అధికారులు. జకత్, ట్యాక్స్ మరియు కస్టమ్స్ అథారిటీ, ఈ స్మగ్లింగ్ యత్నాన్ని భగ్నం చేసింది. ఓ పార్సిల్ ద్వారా పెద్ద మొత్తంలో కొకైన్, సౌదీ అరేబియాలోకి తీసుకొచ్చేందుకు ప్రయత్నం జరిగింది. ఎక్స్‌రే యంత్రాల ద్వారా పార్సిళ్ళను తనిఖీ చేస్తుండగా ఈ కొకైన్ పట్టుబడింది. పార్సిల్ ఎవరైతే అందుకోవాల్సి వుందో ఆ వ్యక్తిని అరెస్ట్ చేయడం జరిగింది. స్మగ్లింగ్ సంబంధిత సమాచారం ఎవరికైనా తెలిస్తే, 1910 నెంబర్ లేదా ఇ-మెయిల్ zatca.gov.sa@1910 లేదా 00966114208417 నెంబర్ ద్వారా సమాచారం ఇవ్వవచ్చునని అధికారులు సూచించారు.