బహ్రెయిన్: బాటెల్కో అత్యాధునిక సాంకేతిక పరిజ్ఞానం వినియోగించి రూపొందించిన ప్రత్యేకమైన రిటెయిల్ షాప్ అందుబాటులోకి వచ్చింది. జల్లాక్‌లో దీన్ని ప్రారంభించారు. వాక్ ఇన్ షాప్ మాత్రమే కాదు, డ్రైవ్ త్రూ విధానం అలాగే పూర్తిగా క్యాష్ లెస్ విధానంలో దీన్ని రూపొందించారు. మోడర్న్ ఇంటర్నేషనల్ రిటెయిల్ ట్రెండ్స్ ఇక్కడ లభ్యమవుతాయి. రోజులో 24 గంటలూ ఈ షాప్ తెరిచి వుంటుంది. శరవేగంగా అభివృద్ధి చెందుతున్న జల్లాక్ ప్రాంతంలో దీన్ని ప్రారంభించారు. బిఐసి, యూనివర్సిటీ ఆఫ్ బహ్రెయిన్ వద్ద వుందిది. కొత్త బహ్రెయిన్ ఇంటర్నేషనల్ కన్వెన్షన్ సెంటర్ ఈ ప్రాంతంలో అందుబాటులోకి రానుంది. సెల్ఫ్ సర్వీస్ కియోస్క్ కూడా ఇక్కడ ఏర్పాటు చేశారు.