దోహా: విదేశాల నుంచి ఖతార్ తిరిగొచ్చే ప్రవాసీయుల ప్రయాణాన్ని మరింత సులభతరం చేసేలా ఎహ్తెరాజ్ యాప్ సర్వీసులను మెరుగు పర్చింది ప్రభుత్వం.ఇన్నాళ్లు ఈ యాప్ లో ప్రీ రిజిస్ట్రేషన్ ఉండేది కాదు.కానీ, లేటెస్ట్ అప్ డేట్ తో ఆ చిక్కులు తొలిగిపోయాయి. ప్రవాసీయులు తమ ప్రయాణానికి ముందే యాప్ లో తమ హెల్త్ స్టేటస్ వివరాలతో ప్రీ రిజిస్ట్రేషన్ చేసుకోవచ్చు.దాంతో హెత్త్ స్టేటస్ వెరిఫైయింగ్, క్వారంటైన్ నిబంధనలు, క్వారంటైన్ నుంచి ఎవరికి మినహాయింపు ఉంటుంది అనే ప్రయాణ నిబంధనలు తెలుసుకునే అవకాశం ఉంటుంది.అంతేకాకుండా ఖతార్ ఎంట్రీ ప్రాసెస్ కూడా ఆటోమెటిగ్గా జరిగిపోతుంది. క్యూలైన్లలో వేచిఉండాల్సిన అవసరం ఉండదు. జూన్ లోనే అప్ డేట్ అయిన ఎహ్తెరాజ్ యాప్ తో ఆ వ్యక్తి హెల్త్ కార్డ్ నెంబర్, చివరిసారిగా కోవిడ్ టెస్ట్ ఎప్పుడు చేయించుకున్నారు, టెస్ట్ రిపోర్ట్ వివరాలు ఉంటాయి. అంతేకాకుండా..సదరు వ్యక్తి కోవిడ్ బారిన పడితే అతను ఏ రోజున ఇన్ఫెక్ట్ అయ్యాడు..ఏ రోజున కోలుకున్నాడు..కోలుకునేందుకు ఎన్నాళ్ల
సమయం పట్టింది అనే వివరాలు కూడా ఉంటాయి.ఒకవేళ యాప్ లో రిజిస్టర్ అయిన వ్యక్తి రెండు డోసుల వ్యాక్సిన్ తీసుకుంటే క్యూఆర్ కోడ్ చుట్టు గోల్డెన్ ఫ్రేమ్ ఉంటుంది. ఒక వేళ సదరు వ్యక్తి కోవిడ్ టెస్ట్ చేయించుకోకుంటే యాప్ లో అతని హెల్త్ కార్డ్ నెంబర్ వివరాలు డిస్ ప్లే కావు. 

--రాజ్ కుమార్ వనంబత్తిన(మాగల్ఫ్ ప్రతినిధి,ఖతార్)