కువైట్: కువైట్ లోని అబూ ఫాతిరా ప్రాంతంలో దారుణ హత్య చోటుచేసుకుంది. హోమ్ డెలివరీ బాయ్ గా పనిచేస్తున్న భారతీయునిపై దాడి చేసి చంపిన సంఘటన కలకలం రేపింది. 

హోమ్ డెలివరీ బాయ్ గా పనిచేస్తున్న 41 ఏళ్ల భారతీయ వ్యక్తి కువైట్ పౌరుడి ఇంట్లో చనిపోయాడు. సంఘటనా స్థలానికి చేరుకున్న పోలీసులు హతుని శరీరం రక్తపు కొలనులో పడి ఉండటం గమనించారు. హతుని తలకు బలమైన గాయం అయినట్టు తెలుస్తోంది. స్తలంలో హింస తాలూకు సంఘటనలు జరిగినట్టు పోలీసులు కనుగొన్నారు. మృతదేహాన్ని పోస్టుమార్టం కొరకు ఫోరెన్సిక్ డిపార్ట్మెంట్ కు అప్పగించడం జరిగింది.

డెలివరీ ఆర్డర్ కు డబ్బు చెల్లించే  వరకు ఇంటిని వదిలి వెళ్ళడానికి నిరాకరించిన భారతీయ కార్మికుడిపై కోపంతో ఆ ఇంటి యజమాని కొడుకు ఈ దాడి చేసి పారిపోయాడని అధికారుల ప్రాథమిక దర్యాప్తులో తేలిన విషయం. పారిపోయిన నిందితుడి అరెస్టు మరియు దర్యాప్తు కొరకు అతని డేటాను అన్ని భద్రతా కేంద్రాలకు పంపటం జరిగింది.