యూఏఈ: డాక్టర్ జేమ్స్ వెల్చ్ అబుదాబిలోని రబ్దాన్ యూనివర్శిటీలో ప్రొఫెసర్‌గా తన పదవీకాలం ముగియడంతో, అతను యూఏఈలో తన ప్రయాణానికి ముగింపు పలికాడు. అయితే, అమెరికా ప్రొఫెసర్‌కు ఊహించని విధంగా తిరిగి వచ్చి గోల్డెన్ వీసా పొందాలని రాయల్ నుంచి ఆహ్వానం అందింది. అబుదాబికి చెందిన 23 ఏళ్ల ఎమిరాటీ చిత్రనిర్మాత నాజర్, జాతీయ దినోత్సవం రోజున విశ్వవిద్యాలయ ప్రాజెక్ట్ సందర్భంగా అతని కథపై ఒక చిన్న వీడియో చేసి షేర్ చేశాడు.  "అతనితో (డాక్టర్ వెల్చ్) మాట్లాడిన తర్వాత, ఈ వ్యక్తికి ఈ దేశం పట్ల  ప్రేమ ఉందని నేను కనుగొన్నాను. నేను దానిని అందరికీ చూపించాలనుకుంటున్నాను" అని నాజర్ తెలిపారు. రెండు వారాల్లో దేశం విడిచి వెళ్లిపోతానని, ఏదో ఒక రోజు ఇక్కడికి తిరిగి రావాలనే ఆకాంక్షను వీడియోలో డాక్టర్ వెల్చ్ వ్యక్తం చేశారు.  వీడియో వైరల్ అయింది. డాక్టర్ వెల్చ్ వెళ్లిపోయిన కొద్ది వారాలకే గవర్నర్ కార్యాలయం నుండి కాల్ వచ్చింది.  అబుదాబికి తిరిగి రావాలని అతనికి అధికారికంగా ఆహ్వానించారు. అదే సమయంలో  సలహాదారుగా నియమిస్తామని రబ్దాన్ యూనివర్శిటీ ఆఫర్ ఇవ్వడంపై వెల్చ్ సంతోషం వ్యక్తం చేశారు.