సౌదీ: ఈ ఏడాది హజ్ యాత్రకు సంబంధించి యాత్రికుల కోసం సౌదీ అరేబియా తొలి స్మార్ట్ హజ్ కార్డును విడుదల చేసింది. భక్తులకు అందించే సేవలు అన్నింటికి ఈ స్మార్ట్ కార్డు అనుసంధానం చేయబడి ఉంటుంది. అంటే యాత్రికులకు మక్కాలోని హోటల్స్ లో ఎంట్రీ, పవిత్ర ప్రదేశాలలోని గుడారాలతో పాటు రవాణా వంటి అన్ని సేవలతో స్మార్ట్ కార్డ్ లింక్ అయి ఉంటుంది. ఒకవేళ భక్తులు దారి తప్పినా వారి శిబిరాలకు స్మార్ట్ కార్డ్ మార్గనిర్దేశకం చేస్తుంది. అలాగే పాయింట్స్ పద్దతిన పేమెంట్లు కూడా చేయవచ్చు. శిబిరాల నుంచి మక్కాకు వెళ్లి వచ్చేందుకు, మక్కా నుంచి ఇతర పవిత్ర స్థలాలను సందర్శించే సమయంలో నాణ్యమైన రవాణా సేవలు పొందేందుకు అందించేందుకు స్మార్ట్ కార్డ్ దోహదపడనుంది.