సౌదీ అరేబియా: కరోనా వైరస్‌పై పోరాటంలో వ్యాక్సిన్ల మిక్సింగ్ శ్రేయస్కరమేనని మినిస్ర్టీ ఆఫ్ హెల్త్ అధికార ప్రతినిధి డాక్టర్ మహమ్మద్ అల్ అబ్దాలీ వెల్లడించారు. వ్యాక్సిన్ల మిక్సింగ్‌పై ప్రపంచ ఆరోగ్య సంస్థ పేర్కొన్న వివరాల్ని తప్పుగా ప్రచారం చేస్తున్నారనీ, అది తగదనీ, ఆయన చెప్పారు. అంతర్జాతీయ స్థాయిలో జరిగిన పరిశోధనల ఫలితాల ఆధారంగా శాస్ర్తీయ నిర్ధారణకు వచ్చిన తర్వాతే, వివిధ రకాల వ్యాక్సిన్‌లను మిక్స్ చేయడం శ్రేయస్కరమని తేల్చినట్లు అల్ అబ్దాలీ వివరించారు.