బహ్రెయిన్: నార్తరన్ రీజియన్ మున్సిపాలిటీ, నిబంధనలకు విరుద్ధంగా ఏర్పాటు చేసిన వెయ్యి ప్రకటనల్ని ఈ ఏడాది తొలి ఆరు నెలల్లో తొలగించింది. మున్సిపాలిటీ జనరల్ మేనేజర్ లామియా అల్ ఫదాలా ఈ విషయాన్ని వెల్లడిస్తూ, నిబంధనల్ని ఉల్లంఘించిన కంపెనీలపై జరిమానాలు విధించామని చెప్పారు. లైటింగ్ స్థంభాలపై ప్రకటనలు పెట్టడం, వీధుల్లో భవనాలపై పోస్టర్లు అంటించడం వంటి ఉల్లంఘనలు వీటిలో ఉన్నాయి. ప్రకటన కర్తలు ఖచ్చితంగా నిబంధనలు పాఠించాలని అల్ ఫదాలా హెచ్చరించారు. ఉల్లంఘనలపై ఎప్పటికప్పుడు తనిఖీలు నిర్వహించి, కఠిన చర్యలు తీసుకుంటామని చెప్పారు.