సౌదీ: విమానాల రద్దుతో విదేశాల్లోనే చిక్కుకుపోయిన ప్రవాసియుల వీసా, ఇకామా(రెసిడెన్సీ పర్మిట్) గుడువును ఆగస్ట్ 31 వరకు పెంచుతున్నట్లు జనరల్ డైరెక్టరేట్ ఆఫ్ పాస్ పోర్ట్స్ (జవజత్) వెల్లడించింది. వీసా, రెసిడెన్సీ పర్మిట్ గడువు పెంపు ఆటోమెటిక్ గా అప్ డేట్ అవుతుందని స్పష్టం చేసింది. గడువు పెంపునకు సంబంధించి ప్రవాసియులు ఎవరూ జవజత్ ఆఫీసులకు వెళ్లాల్సిన అవసరం లేదని, వెబ్ సైట్లో వివరాలను అప్ డేట్ చేయాల్సిన అవసరం కూడా లేదని క్లారిటీ ఇచ్చింది. అయితే..ఈ గడువు పెంపు కేవలం ట్రావెల్ బ్యాన్ ఉన్న తొమ్మిది దేశాల్లో చిక్కుకుపోయిన ప్రవాసియులకు మాత్రమే వర్తిస్తుందని వెల్లడించింది. ట్రావెల్ బ్యాన్ ఆంక్షలు లేని దేశాల ప్రవాసియులకు ఎలాంటి మినహాయింపులు లేవని తెలిపింది.