ఒమన్: ఒమన్ లో పూర్తిస్థాయి లాక్ డౌన్ నేటి తెల్లవారుజాముతో ముగిసింది. ఇవాళ్టి నుంచి వాణిజ్య కార్యక్రమాలు, వాహనాల రాకపోకలు, జనసంచారం యధావిధిగా ఉండనున్నాయి. కోవిడ్ వ్యాప్తి నియంత్రణకు అమలులోకి తెచ్చిన పూర్తి లాక్ డౌన్ను విజయవంతం చేసేందుకు ప్రజలు అన్ని విధాల సహకరించారని, అందుకు వారికి ధన్యవాదాలు తెలుపుతున్నట్లు అధికారులు పేర్కొన్నారు.  అయితే..పాక్షిక లాక్ డౌన్ ఆంక్షలు మాత్రం కొనసాగనున్నట్లు అధికారులు వెల్లడించారు. ఈ నెల 31వరకు సాయంత్రం 5 గంటల నుంచి తెల్లవారుజాము 4 గంటల వరకు లాక్ డౌన్ అమలులో ఉంటుంది. లాక్ డౌన్ సమయంలో వాణిజ్య కేంద్రాలు, జనసంచారం, వాహనాల రాకపోకలపై నిషేధం కొనసాగుతుంది.