సౌదీ: అసలే కోవిడ్ సంక్షోభంతో ఉపాధి అవకాశాలు కుంటుపడుతున్న సమయంలో సౌదీ ప్రభుత్వ నిర్ణయం ప్రవాసీయుల పాలిట శాపంగా మారనుంది.ఫైనాన్స్, ఇన్సూరెన్స్ రంగాల్లో సౌదీయేషన్ పాలసీని అమలు చేయాలని నిర్ణయించింది. అంటే నాన్-సౌదీల స్థానంలో సౌదీ పౌరులను ఉద్యోగాల్లోకి తీసుకోనున్నారు. దీంతో దాదాపు 90,000 మంది ప్రవాసీయులు ఉద్యోగాలు కొల్పోనున్నారు. ప్రస్తుతం సౌదీలో పురుషులు, స్త్రీలతో కలుపుకొని దాదాపు 10.07 మిలియన్ల మంది  ప్రవాసీయులు వివిధ రంగాల్లో ఉపాధి పొందుతున్నారు.ఈ మొత్తం సంఖ్యలో ఫైనాన్స్, ఇన్సూరెన్స్ రంగంలోని ప్రవాసీయుల్లో 87,600 మంది పురుషులు ఉండగా, 3000 మంది వరకు స్త్రీలు ఉన్నారు. అంటే సౌదీ ప్రవాసీ ఉద్యోగుల్లో ఇది 0.9 శాతం. ఇప్పుడు వాళ్ల స్థానాల్లో సౌదీ పౌరులు ఉద్యోగాల్లో చేరనున్నారు.