రియాద్: మినిస్ట్రీ ఆఫ్ హెల్త్, డెల్టా వేరియంట్ కరోనా వైరస్ మీద రెండు డోసుల వ్యాక్సిన్ సమర్థవంతంగా పనిచేస్తుందని మినిస్ట్రీ ఆఫ్ ఇంటీరియర్ వెల్లడించింది. ఒక డోసు లేదా, కరోనా వైరస్ నుంచి కోలుకోవడం.. ఇవేవీ డెల్టా వైరస్ నుంచి తగిన ఇమ్యూనిటీని ఇవ్వలేవని మినిస్ట్రీ పేర్కొంది. మినిస్ట్రీ అధికార ప్రతినిథి ఈ మేరకు ఓ ప్రకటన విడుదల చేశారు. ఇంటెన్సివ్ కేర్ యూనిట్లలో చేరుతున్న 98 శాతం గర్భిణీ స్త్రీలు వ్యాక్సిన్ తీసుకోనివారేనని చెప్పారు. వ్యాక్సిన్ వల్ల తల్లికి, తల్లి గర్భంలో వున్న బిడ్డకీ రక్షణ లభిస్తుంది. కాగా, ఇప్పటిదాకా 27 మిలియన్ల డోసుల వ్యాక్సినేషన్ ఇవ్వడం జరిగిందని మినిస్ట్రీ తెలిపింది.