కువైట్: ఇక నుంచి కేఫ్ లలో హుక్కాలను కూడా సర్వ్ చేయవచ్చని ఆరోగ్య మంత్రి షేక్ డా. బాసిల్ అల్-సబా స్పష్టం చేశారు. అయితే..కోవిడ్ ప్రోటోకాల్స్ ఉల్లంఘించేందుకు మాత్రం వీలులేదని స్పష్టం చేశారు. అంటే ఒకే చోట ఐదారుగురు కూర్చొని హుక్కాని అస్వాదించటం..ఆమోదించిన సంఖ్యకు మించి ఎక్కువ మందిని లోనికి ఆనుమతించటం వంటివి చేయకూడదు. దేశంలో తిరిగి సాధారణ పరిస్థితులు నెలకొల్పేందుకు అన్ని కార్యకలాపాల పునరుద్ధరణకు కేబినెట్ ఆమోదించిన నేపథ్యంలో షీషా కేఫ్ లకు కూడా అనుమతిస్తున్నట్లు మంత్రి తెలిపారు. అయితే..వివాహాలు, సమావేశాలు, ఇతర అన్ని రకాల సమావేశాలపై మాత్రం ఆంక్షలు కొనసాగించనున్నట్లు మంత్రి స్పష్టం చేశారు.