జెడ్డా: కరోనా వైరస్, వ్యాక్సిన్ పొందనివారిలో విస్తృతంగా వ్యాప్తి చెందుతోందని అసిస్టెంట్ డిప్యూటీ మినిస్టర్ ఫర్ ప్రివెంటివ్ హెల్త్ డాక్టర్ అబుద్ల్లాహ్ ముపర్రిహ్ అస్సిరి వెల్లడించారు. ఇన్ఫెక్షన్ సోకిన తర్వాత కనిపించే సాధారణ ఇమ్యూనిటీ, మ్యూటెంట్స్ కారణంగా బలహీన పడుతోందని అన్నారు. ఇన్ఫెక్షన్, వ్యాక్సిన్ పొందనివారిలో శరవేగంగా వ్యాప్తి చెందుతోందని అన్నారు. ఈ కారణంగా కొత్త మ్యుటెంట్లు పుట్టుకొస్తున్నట్లు కూడా తెలిపారు.శుక్రవారం 14 మంది కరోనాతో ప్రాణాలు కోల్పోయారు. కొత్తగా 954 కోవిడ్ 19 కేసులు వెలుగు చూశాయి. 10,237 యాక్టివ్ కేసులున్నాయి. వీరిలో 1,404 మంది పేషెంట్ల పరిస్థితి విషమంగా వుంది.