దుబాయ్: వాహన యజమానుల పేరు మీద నంబర్ ప్లేట్లు ఇస్తున్నట్లు జరుగుతున్న ప్రచారాన్ని దుబాయ్ ఆర్టీఏ కొట్టి పారేసింది. నంబర్ ప్లేట్ల జారీ విషయంలో తాము ఎలాంటి కొత్త విధానాలను ప్రకటించలేదని స్పష్టం చేసింది. '7AMAD' అంటూ ఓనర్ పేరుతో దుబాయ్ ఆర్టీఏ నంబర్ ప్లేట్ జారీ చేసిందంటూ ఓ వ్యక్తి తన ట్విట్టర్ అకౌంట్లో ఓ నంబర్ ప్లేటును పోస్ట్ చేశాడు. అది కాస్త వైరల్ అయ్యింది. దీంతో కొత్త నంబర్ ప్లేట్ పాలసీపై విపరీతమైన ప్రచారం జరిగింది. దీనిపై వివరణ ఇచ్చిన దుబాయ్ ఆర్టీఏ సోషల్ మీడియాలో జరుగుతున్న ప్రచారాన్ని తోసిపుచ్చింది. తాము పేర్లతో కూడిన నంబర్ ప్లేట్లను జారీ చేయలేదని..సోషల్ మీడియాలో ప్రచారం అవుతున్న నంబర్ ప్లేటు అధికారికంగా జారీ చేసింది కాదు అని స్పష్టం చేసింది.