దోహా: కోవిడ్ సంక్షోభంతో ప్రపంచ దేశాల ఆర్ధిక వ్యవస్థలు ఒడిదుడుకుల్లో ఉంటే..ఖతార్ మాత్రం తగ్గేదే లేదంటోంది. ఈ ఆర్ధిక సంవత్సరానికి సంబంధించి సెకండ్ క్వార్టర్ లో
 మిగులు బడ్జెట్ 3.8 బిలియన్ రియాల్స్ (1.04 బిలియన్ డాలర్లు) ఉందని ఆర్థిక మంత్రిత్వ శాఖ తెలిపింది. ప్రపంచంలోనే అతిపెద్ద ద్రవీకృత సహజ వాయువు ఎగుమతిదారు (LNG) ఏప్రిల్-జూన్‌లో 50.1 బిలియన్ రియాల్‌ల ఆదాయాన్ని ఆర్జించిందని వివరించింది. చమురు ధరలతో పాటు ఏప్రిల్ 2021లో కార్పొరేట్ ఆదాయపు పన్ను ద్వారా వసూలైన ఆదాయంతో ఖతార్ మిగులు బడ్జెట్లో ఉందని తెలిపింది. ఇదిలాఉంటే గడిచిన మూడు నెలల్లో జూన్ 30 నాటికి 46.2 బిలియన్ రియాల్స్ ఖర్చు చేసినట్లు వివరించింది.