కువైట్: క్రౌన్ ప్రిన్స్ షేక్ మిషాల్ అల్ జబర్ అల్ సబా మరియు అమెరికా వైస్ ప్రెసిడెంట్ కమలా హారిస్, గురువారం కీలక చర్చలు జరిగాయి. కువైట్ - అమెరికా మధ్య ఈ ఒప్పందాలు అత్యంత చారిత్రాత్మకమైనవిగా నిపుణులు అభివర్ణిస్తున్నారు. ఇరువురు నాయకుల మధ్య ఫోన్ సంభాషణ జరిగింది.కువైట్, అమెరికా మధ్య చారిత్రక సంబంధాలపై కమలా హారిస్ కొనియాడారు.కువైట్ పట్ల అమెరికా ఎప్పుడూ స్నేహభావంతోనే వుంటోందని కమలాహారిస్ చెప్పారు. ఆప్ఘనిస్తాన్ నుంచి తమ బలగాల ఉప సంహరణ, అక్కడి పౌరుల తరలింపు వంటి అంశాల్లో కువైట్ అందించిన సహకారానికి కృతజ్ఞతలు తెలిపారు కమలా హారిస్. ఆప్ఘాన్‌లో జరిగిన బాంబు దాడిలో ప్రాణాలు కోల్పోయిన సైనికులకు నివాళి అర్పించారు క్రౌన్ ప్రిన్స్.