కువైట్: ప్రభుత్వ ఆస్తులను పరిరక్షించడానికి కట్టుబడి ఉన్నామని కువైట్ ఆర్థిక మంత్రిత్వ శాఖ పునరుద్ఘాటించింది. లైసెన్స్ పొందిన చాలెట్లు మరియు రెస్ట్ హౌజెస్ లను వినియోగదారులందరూ లైసెన్సులో పేర్కొన్న నిబంధనలు మరియు షరతులను ఖచ్చితంగా పాటించాలని కోరింది. లైసెన్స్ పొందిన స్థలాలను మంజూరు చేసిన ప్రయోజనాల కోసం మాత్రమే ఉపయోగించాలని,  ఎలాంటి దుర్వినియోగం లేదా అనధికార దోపిడీకి పాల్పడవద్దని మంత్రిత్వ శాఖ ఒక ప్రకటనలో స్పష్టం చేసింది.

చాలెట్లు లేదా రెస్ట్ హౌజెస్ ను మూడవ పక్షాలకు అద్దెకు ఇవ్వడంపై సంపూర్ణ నిషేధం ఉందని మంత్రిత్వ శాఖ హైలైట్ చేసింది. లైసెన్స్ హోల్డర్లు అన్ని బకాయిలను సకాలంలో చెల్లించాలని సూచించింది.  లైసెన్స్ నిబంధనలను ఉల్లంఘించినా లేదా నిర్దేశించిన బాధ్యతలను నెరవేర్చడంలో విఫలమైనా, చట్టపరమైన చర్యలు తీసుకుంటామని మంత్రిత్వ శాఖ హెచ్చరించింది.