సౌదీ: సౌదీకి ప్రయాణించే ప్రయాణికుల విషయంలో మరో అప్ డేట్ ను ప్రకటించింది కింగ్డమ్ ప్రభుత్వం. సినోఫార్మ్ లేదా సినోవాక్ వ్యాక్సిన్ లను రెండు తీసుకున్న వారికి కూడా సౌదీకి వచ్చేందుకు గ్రీన్ సిగ్నల్ ఇచ్చింది. అయితే..దానికి అదనంగా సౌదీ ప్రభుత్వం ఆమోదించిన నాలుగు వ్యాక్సిన్లలో ఏదైనా ఒక దానిని బూస్టర్ డోస్ గా తీసుకోవాల్సి ఉంటుంది. ఇదిలాఉంటే..సౌదీలో ఆమోదం పొందిన ఆక్స్‌ఫర్డ్, ఆస్ట్రా జెనెకా, ఫైజర్ బయోన్టెక్, మోడర్నాలో ఏదో ఒక వ్యాక్సిన్ను రెండు డోసులు తీసుకుంటే దేశంలోకి ఆగస్ట్ 1 నుంచి అనుమతిస్తున్న విషయం తెలిసిందే. రెండు డోసులు తీసుకున్న ప్రయాణికులు క్వారంటైన్లో ఉండాల్సిన అవసరం కూడా లేదని ఇప్పటికే స్పష్టం చేసింది. అయితే..వ్యాక్సిన్ కోర్సుకు సంబంధించిన సర్టిఫికెట్లను అరబిక్ లేదా ఆంగ్లంలో వెబ్ సైట్ ద్వారా ముందస్తుగానే అప్ డేట్ చేయాల్సి ఉంటుంది.