సౌదీ: కోవిడ్ నిబంధ‌న‌ల‌ను స‌డ‌లిస్తూ వ‌స్తున్న సౌదీ ప్ర‌భుత్వం..ఇత‌ర దేశాల నుంచి వ‌చ్చే వారితో ముప్పు లేకుండా చ‌ర్య‌లు తీసుకుంటోంది. సౌదీ వ‌చ్చే ప్ర‌యాణికుల ఇమ్యూనిటీ స్థాయిని నిర్ధారించుకున్న త‌ర్వాతే ఫ్లైట్లోకి అనుమ‌తించాల‌ని ఆదేశించింది. ఇమ్యూనిటీ స్థాయిల‌ను నిర్ధారించుకోవ‌టం అంటే వారు వ్యాక్సిన్ తీసుకున్నారో లేదో త‌నిఖీ చేయ‌టమే. ఇందుకు రెండు విధానాల‌ను అనుస‌రించాల‌ని కూడా జ‌న‌ర‌ల్ అథారిటీ ఆఫ్ సివిల్ ఏవియేష‌న్..సౌదీకి విమానాల‌ను న‌డిపే అన్ని ఎయిర్ లైన్స్ సంస్థ‌ల‌కు ఆదేశాలు జారీ చేసింది. త‌వ‌క్క‌ల్న యాప్ లో గ్రీన్ స్టేట‌స్ ఉన్నావారిని, లేదా ఖూదూమ్ ఆన్ లైన్ ఫ్లాట్ ద్వారా వ్యాక్సిన్ పొందిన‌ట్లు నిర్ధారించే స‌ర్టిఫికెట్ల‌ను స‌మ‌ర్పించిన వారినే అనుమ‌తించాల‌ని..ఈ విష‌యంలో చాలా క‌ఠినంగా వ్య‌వ‌హరించాల‌ని ఉత్త‌ర్వుల్లో స్ప‌ష్టం చేసింది.