హైదరాబాద్‌: హైదరాబాద్‌లోని సెంటర్‌ ఫర్‌ డెవలప్‌మెంట్‌ ఆఫ్‌ అడ్వాన్స్‌డ్‌ కంప్యూటింగ్‌ (సీ-డ్యాక్‌) పలు పోస్టుల భర్తీకి నోటిఫికేషన్‌ జారీ చేసింది. భారత ప్రభుత్వ ఎలక్ట్రానిక్స్‌ అండ్‌ ఇన్ఫర్మేషన్‌ టెక్నాలజీ మంత్రిత్వశాఖకి చెందిన ఈ సంస్థలో కాంట్రాక్ట్‌ విధానంలో ప్రాజెక్ట్‌ స్టాఫ్‌ పోస్టులను భర్తీ చేయనున్నారు. నోటిఫికేషన్‌కు సంబంధించిన పూర్తి వివరాలు...

భర్తీ చేయనున్న ఖాళీలు, అర్హతలు..

• నోటిఫికేషన్‌లో భాగంగా మొత్తం 38 ఖాళీలను భర్తీ చేయనున్నారు.
• వీటిలో ప్రాజెక్ట్ మేనేజర్ (01), ప్రాజెక్ట్ ఇంజనీర్లు (36), ప్రాజెక్ట్‌ అసోసియేట్‌ (01) ఖాళీలు ఉన్నాయి.
• సాఫ్ట్‌వేర్‌ టెస్టింగ్‌, సైబర్‌ సెక్యూరిటీ అనాలసిస్‌, మొబైల్‌ సెక్యూరిటీ, ఎంబడెడ్‌ సిస్టమ్‌ విభాగాల్లో ఖాళీలను భర్తీ చేయనున్నారు.
• పైన తెలిపిన పోస్టులకు దరఖాస్తు చేసుకునే వారు సంబంధిత సబ్జెక్టుల్లో బీఈ/బీటెక్‌/ఎంసీఏలో ఉత్తీర్ణత సాధించి ఉండాలి.
• సంబంధిత పనిలో అనుభవం తప్పనిసరిగా ఉండాలి.
• అభ్యర్థుల వయసు పోస్టుల ఆధారంగా 35,37 ఏళ్లు ఉండాలి.

ముఖ్యమైన విషయాలు..

• అర్హత, ఆసక్తి ఉన్న అభ్యర్థులు ఆన్‌లైన్‌ విధానంలో దరఖాస్తు చేసుకోవాల్సి ఉంటుంది.
• అభ్యర్థులను రాత పరీక్ష/ ఇంటర్వ్యూ ఆధారంగా ఎంపిక చేస్తారు.
• దరఖాస్తుల స్వీకరణకు 05-10-2021 తేదీని చివరి తేదీగా నిర్ణయించారు.
• నోటిఫికేషన్‌ కోసం ఇక్కడ క్లిక్‌ చేయండి..
• పూర్తి వివరాల కోసం ఈ క్రింద లింకు క్లిక్ చెయ్యండి

           https://www.cdac.in/