ఖతార్: యూనివర్సిటీ (QU) మెట్రో స్టేషన్, అల్ టార్ఫా ఇంటర్‌సెక్షన్ (గోల్ఫ్ ఇంటర్‌సెక్షన్) ను అనుసంధానించే కొత్త రహదారిని పబ్లిక్ వర్క్స్ అథారిటీ (అష్ఘల్) ప్రారంభించింది. ఈ మేరకు అష్ఘల్ ట్వీట్ చేసింది.  " కొత్త రహదారితో రోడ్  రైలు నెట్‌వర్క్, నెట్‌వర్క్ మధ్య పరస్పర సంబంధాన్ని బలోపేతం చేస్తుంది. అలాగే QU క్యాంపస్ చుట్టూ ట్రాఫిక్ కష్టాలు తొలుగుతాయి." ట్వీట్ లో అష్ఘల్ పేర్కొంది. ప్రారంభమైన రహదారిలో స్ట్రీట్ లైట్ల వ్యవస్థలు, రోడ్ మార్కింగ్, సిగ్నల్స్ లతో పాటు మురికినీరు, నీటిపారుదల లైన్‌లు ఏర్పాటు చేశారు. అలాగే ఆరోగ్యకరమైన జీవనశైలిని ప్రోత్సహించడానికి 151 చెట్లు, 7,000 చదరపు మీటర్ల పచ్చటి గార్డన్లు, 2.5 కి.మీ.ల ఫుట్ పాత్,  సైకిల్ ట్రాక్ ఆకట్టుకుంటుంది. 2022 సంవత్సరం నాటికి దాదాపు 2,650 కిమీ సైక్లింగ్, పాదచారుల మార్గాల నెట్‌వర్క్‌ను ఏర్పాటు చేయడానికి అష్ఘల్ కృషి చేస్తోంది.