సౌదీ: ఇకపై మరింత స్వేచ్ఛగా ఉద్యోగాలను మార్చుకోవచ్చని సౌదీ ప్రభుత్వం స్పష్టం చేసింది. ఒకే యాజమాని దగ్గర ఏడాదిపాటు కచ్చితంగా పనిచేయాలనే నిబంధనను తాజాగా సవరించారు. ఇకపై ఎప్పుడంటే అప్పుడు ప్రవాస కార్మికుడు తను చేస్తున్న ఉద్యోగాన్ని బదిలీ చేసుకోవచ్చు.  దీనికి సంబంధించి కార్మిక చట్టానికి సవరణ చేసినట్టు  మానవ వనరులు, సామాజిక అభివృద్ధి మంత్రి ఆమోదించారు. అయితే ప్రైవేట్ రంగానికి నితాఖత్ సౌదైజేషన్ ప్రోగ్రామ్‌లో నిర్దేశించిన షరతులను ఉల్లంఘించరాదని, బదిలీకి ప్రస్తుత యజమాని సమ్మతిని పొందాలని ప్రభుత్వం స్పష్టం చేసింది. ఈ మేరకు కొత్త కార్మిక చట్ట సవరణలను సౌదీ గెజిట్ లో ప్రచురించారు.