కువైట్ :  వాతావారణంలో వచ్చిన మార్పుల కారణంగా కువైట్ లోని చాలా ప్రాంతాల్లో బుధవారం తేలికపాటి వర్షాలు కురుస్తాయని వాతావారణ శాఖ తెలిపింది. దీని ఎఫెక్ట్ గురువారం కూడా కొనసాగవచ్చని అంచనా వేసింది. గురువారం తేలికపాటి నుంచి ఓ మోస్తరు వర్షాలు పడవచ్చని వాతావారణ శాఖ అధికారి ఇస్సా రామ్ దాన్ తెలిపారు. పలు చోట్ల మెరుపులతో కూడిన జల్లులు కురుస్తాయన్నారు. గాలితో తేమ శాతం పెరగటంతో పాటు నల్లటి మబ్బులతో కూడిన వాతావారణం మరో నాలుగు రోజుల పాటు ఉంటుందన్నారు. పొగమంచు కూడా ఏర్పడుతుందన్నారు.