బహ్రెయిన్: COVID-19 ని అరికట్టడంలో విజయవంతమైన ప్రపంచదేశాల సరసన బహ్రెయిన్ నిలిచింది. COVID-19 రికవరీ ఇండెక్స్ లో టాప్ దేశాల్లో బహ్రెయిన్ చోటు దక్కించుకుంది. బహ్రెయిన్ తీసుకున్న కరోనా కట్టడి చర్యలతో మహమ్మారి వ్యాప్తికి అడ్డుకట్ట పడటంతోపాటు సాధారణ జీవన విధానాన్ని తిరిగి సాధారణ స్థితికి తీసుకొచ్చాయి. అక్టోబర్‌లో నిక్కీ విడుదల చేసిన COVID-19 రికవరీ ఇండెక్స్ లో బహ్రెయిన్ ప్రపంచంలోని అగ్ర దేశాలలో ఒకటిగా నిలిచింది.  యునైటెడ్ అరబ్ ఎమిరేట్స్ (74%), చిలీ (73%), మాల్టా (70.5%), సౌదీ అరేబియా (70%) తర్వాత స్థానంలో బహ్రెయిన్ (70%) నిలిచింది. ఆ తర్వాత స్థానాల్లో జపాన్, కొలంబియా (69%)తో నిలిచాయి. నవంబర్ 1న, 5 నుండి 11 సంవత్సరాల వయస్సు గల పిల్లలకు ఫైజర్-బయోఎన్‌టెక్ వ్యాక్సిన్ అత్యవసర వినియోగాన్ని బహ్రెయిన్ ఆరోగ్య నియంత్రణ విభాగం ఆమోదించిన విషయం తెలిసిందే.