యూఏఈ: ట్రాఫిక్ సర్వీసులను ఇకపై ఇంటినుంచే మరింత సులభంగా పొందొచ్చు. ప్రజలకు మెరుగైన సేవలు అందించేందుకు 5 ట్రాఫిక్ సర్వీసులను డిజిటల్ మోడ్ లోకి మారుస్తున్నట్లు షార్జా స్మార్ట్ అప్లికేషన్, అంతర్గత వ్యవహారాల మంత్రిత్వ శాఖ (MoI) వెబ్‌సైట్ ద్వారా ప్రకటించింది. ట్రాఫిక్ ఫైల్‌ను తెరవడం, వాహన ఓనర్ షిప్ సర్టిఫికేట్ జారీ చేయడం, ట్రాఫిక్ పాయింట్లను డ్రైవర్ లైసెన్స్ కిందకు మార్చడం, వాహనం సీజ్ వ్యవధి అలవెన్స్ చెల్లించడం, వాహనం జప్తు రద్దు సర్టిఫికేట్ జారీ చేయడం వంటి సర్వీసులు ఉన్నాయి. ప్రజలు నిరంతర సేవలు పొందేందుకు ఇది దోహదం చేస్తుందని అంతర్గత వ్యవహారాల మంత్రిత్వ శాఖ తెలిపింది. డిజిటల్ విధానంలో నిర్దేశిత సేవలను కచ్చితత్వంతో వేగంగా అందించే అవకాశం ఏర్పడుతుందని మంత్రిత్వ శాఖ అభిప్రాపడింది.