మస్కట్:  ఒమన్ లోకి సుల్తానేట్ ప్రాంతం నుంచి అక్రమంగా ప్రవేశించేందుకు ప్రయత్నించిన 20 మందిని కోస్ట్ గార్డ్ పోలీసులు అదుపులోకి తీసుకున్నారు. అక్రమంగా దేశంలోకి ప్రవేశించేందుకు ప్రయత్నించారంటూ వారిపై కేసులు నమోదు చేశారు. నార్త్ అల్ బాటియా గవర్నరేట్ కోస్టల్ గార్డ్ పోలీసులకు 20 మంది దేశంలోకి అక్రమంగా చొరబడేందుకు ప్రయత్నిస్తున్నారంటూ పక్కా సమాచారం అందింది. దీంతో తీర ప్రాంతంలో నిఘా వేసి బోటులో వస్తున్న 20 మందిని అరెస్ట్ చేశారు. "అక్రమంగా దేశంలోకి ప్రవేశించేందుకు 20 మంది బోటులో వచ్చారు. వారి ప్రయత్నాన్ని నార్త్ అల్ బాటియా గవర్నరేట్ కోస్టల్ గార్డ్ పోలీసులు అడ్డుకున్నారు. 20 మంది అరెస్ట్ చేసి వారిపై కేసులు నమోదు చేశాం" అని రాయల్ ఒమన్ పోలీసులు ప్రకటన విడుదల చేశారు.