సౌదీ అరేబియా: సౌదీ ప్రభుత్వం విదేశీయులకు దేశ పౌరసత్వం ఇచ్చే విషయంలో కీలక నిర్ణయం తీసుకుంది. ప్రఖ్యాత వ్యక్తులు, పలు రంగాల్లో నిపుణులు, యూనివర్సల్ టాలెంట్ కలిగిన వ్యక్తులకు సౌదీ పౌరసత్వం ఇస్తామని ప్రకటించింది. మతపరమైన, మెడికల్, సైన్స్, కల్చరల్, స్పోర్ట్స్, టెక్నాలజీ రంగాల్లో విశేష ప్రతిభ కనబర్చిన విదేశీ వ్యక్తులకు సౌదీ సిటిజన్ షిప్ ఇస్తామని తెలిపింది. దీని కారణంగా ప్రపంచంలోని ప్రఖ్యాత వ్యక్తులతో కలిసి దేశాన్ని మరింత అభివృద్ధి చేసే అవకాశం దక్కుతుందని ప్రభుత్వం భావిస్తోంది. 2030 నాటికి కొత్త ఇన్నోవేషన్స్ లో సౌదీ పాత్ర కీలకంగా ఉండాలని ప్రభుత్వం లక్ష్యంగా పెట్టుకుంది. అందులో భాగంగానే గ్లోబల్ గా ప్రముఖ వ్యక్తుల సహకారం పొందేందుకు వారికి సిటిజన్ షిప్ ఇవ్వాలనే నిర్ణయానికి వచ్చింది.